كثروا علينا الدروووس

كثروا علينا الدروس ...

طلعنا السكر عشينا ناكلوا المسوس...
بالبلاغة والقواعد بلوكاونا الريوس...

وخلطوا علينا الأنماط تلفونا النصوص ...

هذا سردي هذا حجاجي... هذا برهاني ...

هذا إيعازي... هذا إقناعي

أأه يا يما ارقيلي
ووجديلي الحروز

أساتذة العربية زادولنا
في لادوز

مرة يعومونا في بحر الأهزاج

ومرة الأرجاز !

يحكونا على غزة وعلى فلسطين !!

ونساو بلي رانا مودرين كثر من لثنين !!!

يحكولنا على أبو تمام ...

تهبط راسك تلقاهم في البدل والعطف والبيان !

حنا في بحر الوافر وهوما يرسوا في شط لامان ...

اكتشفوا!!
ناقشوا !!!حللوا!!!
واستخلصوا!!!

غير الأفعال لي ناقصين من الحنان

أحمد شوقي... نزار قباني....

نازك
الملائكة.... البارودي

هوما عاشوا وزهاوا...

وحنا قعدنا ...

هذا شاعر.... وهذا فنان ...

هذا دخل للسجن ...وهذا بيناتنا مات جبان ...

بداوا وجوه
الأساتذة يطلعوا فيها للوان !!

راني على وزارة التربية مش عليكم ياخيان

الجمل بعد المعارف أحوال ...

وبعد النكرات صفات ...

ووجوهنا قبل الحصص فرحات ...

وبعدها لعلامات التعجب مهللات ...

عدو الأساتذة هذوك الاستفهامات

دارولنا دروس الدعم زعمة حلبات ...

والنتيجة 99 / للأساتذة

و1 /
للاستفهامات

الواحد لي بقى

كي قضاو على الاستفهامات

راه تزيد ولا تنقص المعانات ؟؟؟؟؟ تاليف أمينة عيسو