البـــــــــــــــــــــــــــاك ***

واش نحكي واش نقول ...


قالو الباك وحش وراه داير الرول ...


باش تصرعوا يلزملك الشيء المعقول ...


الحية راهي صعيبة مش لي يجي يفوت
هدا الصووور ...


أأه يالأساتذة لوكان تعرفوا في رسانا
واش راه يدور ...


رانا نخبوا في المخزون ...


وانتوما تتهمونا بالخمول ....


رانا فاهمين مي على رواحنا نبعدوا العين


هكا وصاونا الناس السابقين


واش نحكي واش نقول


تدخل أستاذة الفلسفة


زوج سوايع وهي تهدر وتدور


لغة ..فكر...احساس ..ادراك الله يحفضك ويكون في العون


واش نقول على أستاذة الاجتماعيات


مصر..برلين..كوبا..كوريا


أكدولي على هذو الأزمات


اسمعوا التالية ياحضرات ...


تدخل أستاذة العربية ماهذا يابنات


دعكن من السخافات


ركزن وراجعن بثبات


فعولن فعولن مفاعيلن وفاعلات


هذا بحرنا الخاص بحر الممات


أأأأأأأأأأه راه دخل أستاذ الرياضيات


جماعة أسكتوا الحية راهي تدور بين الاكس x والاقغاغ y


والله لاعقولنا بلوكات


منين ذاك يشرفنا الناظر ولا المدير


زعمة يطلعونا المعنويات


رانا ليكم واليكم نحقولكم الطلبات


النسبة راهي 75 بالمية ومنقبلو بحتى تنازلات


الله يشدلنا فيكم وفي المراقبين والمراقبات


حتى هوما تبالي فهموا العقليات


راهم يوصوا فينا للجايات


راح نبدى ندائي لقع الشعبات


ياك مزلتوا تفهموا العربية ياللغات


الباك جايبينو جايبينوا


أيا ارفدوا يديكم وقولوا انشاء الله


ووصوا الغايبين ماينساوناش بالدعوات





تأليــــــــــــــــــــــــــــــــــــــــــــــــــــــيف
أميــــــنة عيــــــــسو أمينة

صباح الخير حبيت اشرك معكم فهمنتدى اعجبنى جدا هذا الشعر رائع جدا شكرا لكى ييميرا

مرحبا بك في منتدانا المتمرد على الكلمات
يشرفني أن تكوني بيننا ولا شكر على واجب مرحبا

ميرا في رايي بلا عين الباك انشاء الله راهو في جيبك :

ههههههههههههههههه انشاء الله يارب أنا ندير لي عليا والباقي على ربي سبحانو شكرا لمرورك حسان تقبل تحياتي