الحشوة ليك ماشي لينــــــــــــــا

الدنيا فيها حكايات
قريتهم أنا حكاية حكاية
صاحبت المسرارين والمشرارين
عرفو الحشوة ماشي ليا أنا
عرفت المارقين والواعرين
فاقو الدنيا قراتني بالقانة
جا وحد المحلب يدوور
حسبالو الحمام يتصيد بتبسيمة وكلمة حنينة
كلامو سمعتوا مرات ومرات
مي حسيت كاينة حاجة
حبيت نكدب روحي
قلت هدا يداوي جروحي
هداك الصوت محبش يحبس فيا
ردي بالك ياميرا
هدا جاي وقاري فيك الحيلة
قلت نسييه بلاك تتنحى الغيمة
وجا النهار الموعود
وجا الحمام الزاوج في سماه يدور
برضايتي دليتو على عنوانو
في اللول شك وقال هدي
الحالة عليا غريبة
بينتلو العكس وعدت نخدم الحيلة
عجبو الحمام وقالو أنا وحيد
وهو عندو حبيب وغدر بيه
رجع لحمامو يشوف الحالة كيف
لقاه يتبسم باه تكمل الحيلة
قال الحالة ماشية نروح ونولي
رجع للسما الزاوجة يدور
وبقات الحكاية ماشية
هنا تحبس يالطير الزين
الحشوة ماشي لينا
أنا الحمام نربيه يدور يدور ويولي
مي ادا رحت عليه مانولي
وانا طرت من سماك ومانرجع
ياللي قريت فينا التبديلة
حبيت نبينلك انا ميرا
انا ميرا
ماشي انا لي قايسة التحلاب هو قايسنا
هو يستبن بينا
حبيت نبينلك واش قلت علينا
قلت مزالكي صغيرة جاية للدنيا
معلابالوش واش كاين في هدا الراس
معلابالوش شحال بكيت من معلم
وشحال طيحت من ناس
خسارة كبيرة
ليك ماشي ليا
أنا نرفد صبعي يجو 10
كيفاش لو رفدت يديا
في هدا الشي قع غاضتني حاجة
قريب مامديتلك حاجة مني
كدبت روحي وقلت بلاك هدا هو
بلاك راني غالطة كيما قالها هو
صعيب صعيب واش راني نقول
صعيب صعيب واش كنت نسمع واش كان يقول
أنتي ليا
نكون معاك فيدال هههه
نمدلك عينيا
أأأأأأأه منك يالدنيا تستاهلي مني تبسيمة
قريتيني على النية على الحيلة
كيفاه نكون حنينة وقتاه نكون جنية
وقتاه نكون مارقة وقتاه نكون عادية
وقتاه نضبح وقتاه نضحك
وقتاه نسكت وماتنطقني حية
أنا ميرا ميرا وهدي هيا
الحشوة طاحت ليك ماشي ليا
بففففففففففففففففففففففففففففففففففففففففففففففففففففف